राष्ट्रपतिले लगाइन् टीका, अरुलाई पनि लगाइदिइन्

काठमाण्डु, २५ असोज– राष्ट्रपति विद्यादेवी भण्डारीले राष्ट्रपति भवन शीतल निवासमा मंगलबार बिहान ८ः ४५ बजेको शुभसाइतमा हनुमानढोका दसैँघरका मूल पुजारी देवराज अर्यालबाट विजयादशमीको टीका लगाइन् ।
शक्तिपीठमा राष्ट्रपति
बडादसैँका अवसरमा महाअष्टमीका दिन आइतबार नक्साल भगवतीको दर्शन गर्न पुगेकी राष्ट्रपति विद्यादेवी भण्डारीलाई फूलप्रसाद दिंदै पुजारी । तस्बिरः रासस
राष्ट्रपतिलाई उनले शास्त्रोक्त विधिपूर्वक अभिषेक गर्दै जमरा र नवदुर्गाको प्रसाद प्रदान गरेका थिए । सो अवसरमा राष्ट्रपतिका पुरोहित पण्डित खेमचन्द्र ढकाल पनि उपस्थित थिए ।
सोही अवसरमा राष्ट्रपति भण्डारीलाई उनका काका
काकी खगेन्द्र पाण्डे र ज्ञानु पाण्डे तथा जयन्त पाण्डे र सावित्री पाण्डेले पनि टीका लगाइदिए ।
राष्ट्रपति भण्डारीले पनि छोरी उषाकिरणलाई टीका लगाइदिइन् ।
साथै, सोही अवसरमा राष्ट्रपतिले पनि आफ्ना परिवारका अन्य सदस्य तथा आफन्तहरुलाई टीका लगाइदिएकी थिइन् ।
राष्ट्रपतिले सर्वसाधारणलाई दसैँको टीका आज अपरान्ह २ बजेदेखि लगाइदिने कार्यक्रम  परेको छ।